المشاركات
من كام يوم وقع في ايدي الاستطلاع ده وحبيت اخد رايكم فيه
استطلاع راي
بمناسبة انتحابات النقابة العامة للمحاميين المزمع اجرائها في شهر اكتوبر 2008 ما رايك في الاسماء المطروحة لخوض المعركة الانتخابية ..
من منهم يصلح كنقيبا للمحاميين ..
يحقق امالهم وطموحاتهم ويرعى مصالحهم ؟؟
1- الاستاذ / احمد ناصر
2- الاستاذ / بهاء الدين ابو شقة
3-الاستاذ / رجائي عطية
4-الاستاذ / سامح عاشور
5-الاستاذ / طلعت السادات
6-الاستاذ / الدكتور / محمد كامل
7-الاستاذ / الدكتور / محمود السقا
8-الاستاذ / مرتضى منصور
9- اختر نقيبا اخر
لجنة الوعي النقابي بنقابة المحاميين
عجبتني اوي فكرة الاستطلاع ده ... بس هل معنى كده ان الناس دي هي اللي هترشح نفسها ؟؟؟؟؟؟؟
وفيه ناس كتير منهم مااعرفهمش !!! يعني انا ما اعرفش غير الاستاذ سامح عاشور بحكم انه النقيب الحالي والاستاذ رجائي عطية لانه كان المرشح السابق ضد سامح عاشور لكنه رغم شعبيته لم يفز !!!!!! وايضا الاستاذ طلعت السادات شقيق الرئيس الراحل انور السادات ..
هناك 4 تعليقات:
السلام عليكم ..الاستاذ مصطفى الجبالى
كتبت من قبل عن انك غير سعيد لقله التعليقات ويبدو ان ذلك بسبب انك لا ترد عليها .فلتعطها قليلا من وقتك .يبدو انى انفعلت كثيرا عند تعليقى على الموضوع السابق ..وعدم ردك جعلنى اشعر انك لا تهتم بالتعليقات وجعلى اندم اكثر على البوح بما اخاف ان اذكره امام الناس .
يبدو انك لم تلاحظ وجوداسم المستشار مرتضى منصور فى قائمة استطلاع الرأى .هل حدث ذللك سهوا منك ...ام انك لا تعرفه وهذا مستبعد..ام انك لا تراه حتى كمرشح لمنصب النقيب .ارجو الرد .فهو رجل اختلف عليه الكثيرون .اتحيز له كثيرا فهو عضو المجلس السابق عن دائرة القرية التى تنتمى لها عائلتى ويهمنى معرفه رأيك عنه. اعذرنى على الاطاله.تحياتى لك.
Meshmesha
وعليكم السلام ورحمة الله وبركاته
في البداية انا بابقى سعيد جدا كل ما الاقي تعليق اسفل اي رسالة من رسائل مدونتي ..
ده بيحسسني انه فيه انسان فيه شيئ جذبه في مدونتي سواء عجبه او اثار استياءه..
وفي حكاية انفعالك في تعليقك ده شيئ عادي باحسه كل يوم .. كل ما بانزل المحكمة .. وكل ما اتعامل مع الموظفين..
اما عدم ردي فهو اني بصراحة ساعات اكسل ارد بسرعة وبعدين بانسى ارد خالص :(
بالنسبة للاستاذ مرتضى منصور فهو غني عن التعريف واني ما ذكرتش اني اعرفه فده كان سهو مني والله دون قصد ..
فمعذرة
على فكرة تعليقك فرحني واسعدني جدا .. لاني حسيت ان فيه حد متابع اللي باكتبه .. او اللي باصوره ..
انا عملت مدونة جديدة ده الرابط بتاعه
http://mycatsphotos.blogspot.com/
بس ده لو انت مهتم / مهتمة بالقطط
إرسال تعليق